Nafnakeppnin
Núna um áramótin sameinuðust tveir sterkir sjálfstæðir lífeyrissjóðir, Lífsverk og Almenni lífeyrissjóðurinn. Sjóðurinn starfar nú undir nafninu Almenni-Lífsverk lífeyrissjóður, en leitar nú að nýju nafni til framtíðar og biður almenning um aðstoð.
Sjóðurinn er stór, öflugur og öllum opinn, auk þess að vera starfsgreinasjóður nokkurra stétta: arkitekta, leiðsögumanna, lækna, hljómlistarmanna, verkfræðinga og tæknifræðinga. Í starfseminni er lögð áhersla á sveigjanleika, valfrelsi, árangur og upplýsingagjöf.
Mín tillaga
Reglur og skilmálar
1. Skipuleggjandi samkeppni
- –Almenni-Lífsverk lífeyrissjóður.
2. Þátttökuréttur
- –Einstaklingum með íslenska kennitölu er frjálst að taka þátt.
- –Starfsfólk og stjórnarmenn sjóðsins og aðrir sem tengjast framkvæmd keppninnar, sem og nánir aðstandendur þeirra, geta sent inn tillögur en eiga ekki rétt á verðlaunum.
3. Innsending og úrvinnsla tillagna
- –Stuttur rökstuðningur þarf að fylgja hverri tillögu.
- –Berist sama tillaga frá tveimur eða fleiri þátttakendum verður dregið um hver hlýtur verðlaunin.
4. Valferli og úrskurðarvald dómnefndar
- –Stjórn sjóðsins tekur endanlega ákvörðun um nýtt nafn og leggur tillögu um nafnabreytingu fyrir ársfund sjóðsins til samþykktar.
5. Verðlaun
- –Verðlaun eru 100.000 króna inneign á gjafakorti.
- –Ef sigurvegari er ekki fjárráða taka forráðamenn við verðlaununum.
6. Höfundarréttur og notkun innsendra tillagna
- –Með þátttöku veitir þátttakandi Almenna-Lífsverk lífeyrissjóði ótakmarkaðan rétt til að nota innsenda nafnatillögu í sína þágu, þar á meðal rétt til að breyta, aðlaga eða nýta hugmyndina á hvaða hátt sem er.
- –Þátttakandi afsalar sér með þátttöku öllum kröfum um greiðslur eða þóknanir fyrir notkun nafnatillögunnar, annarra en verðlaunum, að skilmálum uppfylltum.
7. Meðferð persónuupplýsinga
- –Meðferð persónuupplýsinga fer fram í samræmi við gildandi persónuverndarlöggjöf.
- –Persónuupplýsingar eins og nafn, kennitala, símanúmer, heimilisfang og netfang, sem aflað er í tengslum við keppnina, eru einungis notaðar við úrvinnslu tillagna. Nafn sigurvegara verður auk þess gert opinbert, t.d. með fréttatilkynningu, á samfélagsmiðlum og mögulega öðru auglýsingaefni.
- –Öllum tillögum öðrum en vinningstillögu verður eytt þegar niðurstaða er fengin.
8. Breytingar og framkvæmd
- –Almenni-Lífsverk lífeyrissjóður áskilur sér rétt til að breyta reglum keppninnar reynist þörf á því.
- –Allar verulegar breytingar verða tilkynntar þátttakendum.
Hafa samband
Spurningar? Hafðu samband við almenni-lifsverk@almenni-lifsverk.is